प्रेस युनियनको नवौं महाधिवेशन जेठमा हुने

काठमाडौं– नेपाल प्रेस युनियनको नवौं महाधिवेशन जेठमा हुने भएको छ। आइतबार बसेको युनियनको बैठकले नवौं महाधिवेशन ०७९ जेठ १३ र १४ गते गर्ने निर्णय गरेको हो ।
महाधिवेशन बागमती प्रदेशको राजधानी हेटौंडामा हुनेछ। युनियनको २०७१ भदौमा पोखरामा आठौं महाधिवेशन भएको थियो भने उक्त महाधिवेशनबाट अध्यक्षमा बद्री सिग्देल निर्वाचित भएका थिए।
प्रेस युनियन नेपाली कांग्रेसको शुभेच्छुक संस्था हो।