आइतबार, जेठ ८, २०७९ |Sun May, 2022
अक्ल्याण्डको समय: २२:३८ |सिड्नीको समय: २०:३८ |काठमाडौंको समय: १६:२३

उच्च अदालतद्धारा एनआरएनएको निर्वाचन प्रक्रिया रोक्नका लागि अन्तरिम आदेश जारी

एएनजेड खबरमार्च २१, २०२२

काठमाडौं – गैर आवासिय नेपाली संघ (एनआरएनए) को संस्थापन पक्षले आव्हान गरेको निर्वाचन र महाधिवेशन प्रक्रिया तत्काल रोक्नका लागि पाटन उच्च अदालतले अन्तरिम आदेश जारी गरेको छ ।
न्यायाधीश दुर्गा बहादुर विश्वकर्माको एकल इजलासले दुवै पक्षलाई छलफलका लागि चैत्र ९ गते बोलाउने र त्यतिन्जेल सम्म निर्वाचनको सम्पूर्ण प्रक्रिया रोक्न सोमबार अन्तरिम अल्पकालीन आदेश दिएको हो।
अदालतले ९ चैत्र दुबै पक्षलाई आ–आफ्नो प्रमाणहरु सहित छलफलका लागी बोलाएको छ । पाटन उच्च अदालतद्वारा एनआरएनएको पन्त समुहले विवादास्पद प्रतिनिधी सहित एक पक्षिय रुपमा गर्न लागेको विबादास्पद निर्वाचन प्रकृया तत्कालका लागि रोक्न अदालतले अन्तरिम आदेश जारी गरेको हो । अदालतको आदेशपछि चुनाव गराउने संस्थापन पक्षको योजनामा धक्का पुगेको छ। अब अर्को फैसला नहुँदा सम्म एनआरएनएले आगामी चैत्र १० र ११ गते (२४ र २५ मार्च) मा गराउन लागेको निर्वाचन रोकिने छ । एनआरएन अभियन्ताहरु चिन्तामणि सापकोटा र उमेश कुमार पुडासैनीले दायर गरेको उक्त रिट निवेदन माथि प्रारम्भिक छलफल पछि इजलासले अल्पकालीन आदेश दिएको हो। साथै बीच संघका अध्यक्ष कुमार पन्तले दिएको परराष्ट्र मन्त्रालयविरुद्दको मुद्दा पाटन उच्च अदालतले फेरि अर्को हप्तालाई सारिदिएको छ ।

तपाइँको प्रतिक्रिया