मंगलबार, जेठ १५, २०८१ |Tue May, 2024
अक्ल्याण्डको समय: १०:१८ |सिड्नीको समय: ०८:१८ |काठमाडौंको समय: ०४:०३

रविको मुद्दा फुँयाल श्रीमानको एकल इजालासमा, आज सुनुवाई हुने सम्भावना !

एएनजेड खबरअप्रिल ५, २०२३

रवि लामिछानेलाई राहदानी (पासपोर्ट) दुरुपयोग कसुरमा कारबाही गर्न माग गर्दै सर्वोच्च अदालतमा दर्ता मुद्दा हरिप्रसाद फुँयाल एकल इजलासमा पेसी तोकिएको छ।

राष्ट्रिय स्वतन्त्र पार्टीका सभापति समेत रहेका लामिछानेको मुद्दा न्यायाधीश अनिलकुमार सिन्हाले यो मुद्दा आफूले हेर्न नमिल्ने भन्दै सुनुवाइ नगरेपछि आजलाई पेसी सरेको हो।

लामिछाने विरुद्दको मुद्दाको सुनुवाई आठौँ नम्बरमा पेसी रहेकोले आज भने सुनुवाइ हुने सम्भावना छ। सुनुवाइ सुरु गर्न लाग्दा सिन्हाले यसअघि संवैधानिक इजलासमा रहेर आफूले लामिछानेको मुद्दा हेरेकाले अन्य न्यायाधीशकहाँ पेसी तोक्न आदेश दिएका थिए।

सिन्धुलीका युवराज पौडैल ‘सफल’ले आइतबार सर्वोच्चमा दायर गरेको रिट सोमबार दर्ता भएको हो।

रिटमा उत्प्रेषण, परमादेश लगायत जे–जो चाहिने उपयुक्त आज्ञा आदेश जारी गरी पाऊँ भनी माग गरिएको थियो। रविविरुद्ध यसअघि प्रहरीले यही कसुरमा अनुसन्धान गरेपनि यसअघि राहदानी दुरुपयोसम्बन्धी मुद्दा प्रहरी र सरकारी वकिल कार्यालयले नचलाउने निर्णय गरेका थिए।

मुद्दा नचलाउने निर्णयविरुद्ध सफलले महान्यायाधिवक्ताको कार्यालयलाईसमेत विपक्षी बनाएर रिट हालेका थिए।

तपाइँको प्रतिक्रिया