अष्ट्रेलिया नेपालमा जलवायु परिवर्तन, महिला, बालबालिका क्षेत्रमा काम गर्न इच्छुक
एएनजेड खबरडिसेम्बर ३१, २०२३
काठमाडौं । नेपालका लागि अष्ट्रेलियाका राजदूत फेलिसिटी भोल्कले जलवायु परिवर्तन, महिला, बालबालिका क्षेत्रमा काम गर्न इच्छुक रहेको बताएकी छन् । शुक्रबार उपसभामुख इन्दिरा रानासँगको भेटमा भोल्कले नेपालमा गरिरहेको सहायताका विषयमा पनि जानकारी गराइन ।
सिंहदरबारस्थित उपसभामुख रानाको कार्यकक्षमा भएको भेटमा दुई देशबीचको आपसी सम्बन्ध, सहयोग र संसदीय अभ्यास, अनुभव आदान प्रदान लगायतका विषयमा कुराकानी भएको थियो ।
रानाले नेपालको संसदमा रहेका महिला, दलित, जनजाति तथा पछि परेका समुदायका सांसदहरूको क्षमता अभिवृद्धि लगायतका विषयमा सहयोग गर्न आग्रह गरेकी छन् ।
तपाइँको प्रतिक्रिया